01. எங்கே என் காதலி? எங்கே...? எங்கே...?

வேர்வைத் துளிகள் மண்ணில் விழுந்து சிதற புஷ்-அப் எடுத்துக் கொண்டிருந்தான் நம் நாயகன் கார்த்திக் என்கிற கார்த்திகேயன்!

ஜிம்மில் இருந்த அனைத்து வயது பெண்களுமே அவனை கவனிக்கத் தான் செய்தார்கள்! ஆண்களோ பொறாமை பெருமூச்சு விட்டார்கள்!

கார்த்திக்கின் கூர்மையான விழிகள் அதை எல்லாம் கவனித்தாலும், அவனின் மனம் அதைக் கண்டுக் கொள்ளவில்லை.

கார்த்திக் ஆறடி உயரம்!

சிக்ஸ்-பேக் இருக்கும் உடல் வாகு!

தினம் தினம் செய்யும் உடற்பயிற்சியால் ‘கட்’ இருக்கும் கைகள்!

அவன் ஆரோக்கியமானவன் என்பதை பறைசாற்றும் அடர்த்தியான ஆனால் சீராக வெட்டப்பட்ட தலை முடி!

உதட்டின் மேலே இருந்த அடர் மீசை அவனுக்கு தனி வசீகரத்தை கொடுத்திருந்தது.

பிரவுன் நிற கருவிழிகளை கொண்ட கண்களில் ஒளிர்விட்ட கவர்ச்சியையும் தாண்டி கவனம் மின்னியது!

மொத்தத்தில் கார்த்திக் ஒரு ஷார்ப், ஸ்மார்ட் & ஹான்ட்சம் ஹீரோ!

ஒன்றரை மணி நேர வொர்க்-அவுட் முடித்து விட்டு டவலால் முகத்தை துடைத்த படி ஜிம்மில் இருந்து வெளியே வந்தான் கார்த்திக்.

பார்ப்பதற்கு சாதாரணமாக இருந்தாலும், கார்திக்கின் கண்கள் நாலாப்புறமும் கூர்மையுடன் சுழன்றன!

எப்போதும் எந்த நொடியிலும் கவனமாக இருக்க வேண்டும் என்பது அவன் செய்யும் வேலை அவனுக்கு சொல்லிக் கொடுத்திருந்த பாடம்.

இந்திய நாட்டின் உளவுத்துறை RAWவின் [Research and Analysis Wing] ரகசிய உளவாளி கார்த்திக்.

தன்னுடையை வேலையில் பலவிதமான அபாய மிஷன்களை கச்சிதமாக முடித்திருப்பவன்! அதனாலேயே RAWவின் தலைவர் மனீஷின் நம்பிக்கைக்கு உரியவனாக இருப்பவன்.

அவன் செய்யும் வேலை பற்றிய முழு விபரம் அவனுடைய பெற்றோர், அக்கா உட்பட யாருக்குமே தெரியாது.

இந்திய அரசாங்கத்திற்காக வேலை செய்கிறான்! அவனுடைய வேலை சம்மந்தப்பட்ட விபரங்கள் மிகவும் ரகசியமானது என்பது மட்டும் அவர்களுக்குத் தெரியும்!

எப்போதாவது நேரம் கிடைக்கும் போது அவர்களுடன் போனில் பேசுவான் கார்த்திக்.

இன்று அவனுடைய அக்கா கயல்விழியின் பிறந்தநாள். அவளுக்கு வாழ்த்து சொல்வதற்காக மொபைல் போனை காரின் ப்ளூடூத்தில் கனக்ட் செய்து கயலின் நம்பரை அழைத்தான்.

‘மிஷனி’’ல் இல்லாமல் இருக்கும் போதும் கூட கார்த்திக்கின் பேச்சை யாரும் ஒட்டுக் கேட்டு விடக் கூடாது என்பதற்காக அவனுடைய போனில் ரகசிய சிம் பொறுத்தப் பட்டிருந்தது.

ஒவ்வொரு அழைப்பிற்கும் ஒவ்வொரு எண்ணை காட்டும் அந்த சிம்மை ட்ரேஸ் செய்வது கிட்டத்தட்ட முடியாத ஒன்று!

“ஹலோ???”

அக்கா கயல்விழியின் குரல் ஆர்வமும், ஆச்சர்யமும் கலந்து ஒலித்தது.

“ஹேய் கயல்! ஹாப்பி பர்த்டே! வயாசாயிடுச்சுன்னு கவலைப் பட்டுட்டு இருக்கீயா???”

“டேய் கார்த்திக்! எப்படிடா இருக்க??? நீ விஷ் செய்வீயோ மாட்டீயோன்னு யோசிச்சுட்டு இருந்தேன். தேங்க்ஸ் டா. தேங்க் யூ ஸோ மச்”

கயலின் பேச்சில் கலந்திருந்த உணர்வலைகள், அவள் ஒவ்வொரு வார்த்தையையும் உணர்ந்து சொல்வதை அவனுக்குத் தெளிவாக காட்டியது.

அவனுக்குமே கயலுடன் பேசுவது மிகவும் பிடித்த ஒன்று தான்! அவள் தான் அவனுடைய சொந்த வாழ்க்கையின் பிலாசஃபர், கைட் எல்லாம்!

“அதெப்படி நான் விஷ் செய்யாம இருப்பேன்! அப்புறம், உனக்காக என்ன ஸ்பெஷல் இன்னைக்கு? மதன் ஸ்பெஷலா உனக்கு சமைச்சுக் கொடுத்தாரா?

“க்கும்... அவராவது சமைக்குறதாவது! நேத்தே நம்ம வீட்டுக்கு கூட்டிட்டு வந்துட்டார். ஸோ, இன்னைக்கு எல்லாமே அம்மா ஸ்பெஷல் தான்! பிரியாணி, பாயசம்னு அம்மா கலக்கிட்டாங்க!”

கயல் சொன்னதைக் கேட்டே கார்த்திக்கிற்கு எச்சில் ஊறியது! அம்மாவின் சமையல் டேஸ்ட்டே அலாதி தான்!